Dy diplomatë gjermanë do të dëbohen nga Rusia. Ministria e Jashtme në Moskë deklaroi ditën e sotme se ka thirrur ambasadorin gjerman, Geza Andreas von Geyr, të cilin e ka informuar se dy diplomatët gjermanë kanë shtatë ditë kohë për t’u larguar nga Rusia. Për shkak se edhe Berlini ka vepruar njëjtë me dy diplomatë rusë javën e kaluar.
“Duke vepruar sipas parimit të reciprocitetit dhe artikullit 9 të Konventës së Vjenës për Marrëdhënie Diplomatike të vitit 1961, ana ruse ka vendosur të shpallë dy punëtorët e Ambasadës gjermane persona të padëshiruar në Rusi”, thuhet në deklaratë.
Ndërkohë, Ministria e Jashtme e Gjermanisë e ka konsideruar veprimin e Moskës “të paarsyetueshëm”.
