Koronavirusi çdo ditë e më shumë po e thellon bilancin negativ, duke e çuar në 2009 numrin e viktimave në Kinë. Rreziku në mbarë botën mbetet i madh, edhe pse Organizata Botërore e Shëndetit ka thënë se numri po vjen në ulje.
Rusia ka shtuar masat, për të pasur nën kontroll rrezikun nga koronavirusi. Zyrtarisht Rusia ka vendosur të kufizojë kalimin e qytetarëve kinezë në territorin e saj nga data 20 shkurt, në mënyrë që të shmangen mundësitë e përhapjes së koronavirusit.
Rusia raportoi dy rastet e para të koronavirusit, dhe tha se personat e infektuar ishin shtetas kinezë që ishin shëruar tashmë pas qëndrimit në karantinë. Qytetari i parë rus gjithashtu është infektuar në anijen që u bllokua në Japoni.
