Ministria e Jashtme e Rusisë ka dëbuar një diplomat estonez, i cili u ndalua nën dyshimin për spiunazh një ditë më parë. Autoritetet ruse i dhanë atij 48 orë afat për t’u larguar nga vendi.
Sipas Shërbimit Federal të Sigurisë (FSB), diplomati ai u “kap në flagrancë” duke marrë informacion konfidencial nga një qytetar rus, shkruan Al Jazeera.
“Kjo veprimtari nuk është në përputhje me statusin e një zyrtari diplomatik dhe natyra e saj është qartësisht armiqësore ndaj Federatës Ruse,” tha FSB në një deklaratë.
Ndërkohë, Estonia e akuzoi Rusinë për kurdisje të kurthit për ndalimin e diplomatit të vendosur në Shën Petersburg. Autoritetet estoneze thanë se kurthi ishte i ndërtuar në atë mënyrë që diplomati Mart Latte të dukej si spiun.
Marrëdhëniet e Rusisë me vendet evropiane janë dëmtuar muajt e fundit nga një numër akuzash spiunimi kundër diplomatëve rusë në Evropë.
Italia, Bullgaria, Republika Çeke dhe Rumania janë ndër vendet e Bashkimit Evropian me të cilat Moska ka shkëmbyer dëbime të mëdha.
