Komentatori i njohur Kostandin Grillo ka befasuar të gjithë me deklaratën e tij se këtë Botëror do të bëjë tifo për Serbinë. Në emisionin sportiv të Ora News, Grillo u shpreh se përvecc faktit në këtë botëror po bën tifo për Serbinë, ai ka tha se ka simpati për këtë skuadër, duke e argumentuar se është ekip ballkanik.
Ndërsa theksoi më tej se nuk i druhet reagimeve të njerëzve mbi këtë deklaratë, pasi sipas tij, ai njihet edhe si tifoz i skuadrës serbe Cervena Zvesdza.
Por, nuk është vetëm Serbia ajo që Grillo simpatizon kaq shumë. Nga një kërkim i thjeshtë në Facebook-un e tij do të haseni me postime të tilla si: ‘Maqedonia është greke, Aleksandri i madh është grek’ .
Ndërsa publikon edhe postime të atilla, ku e cilëson Himarën “greke” si dhe shpërndan artikuj të uebfaqes ekstremiste greke, himara.gr.
