Deputetja Rudina Hajdari gjatë fjalës së saj sot në Kuvend, e krahasoi kryeministrin Edi Rama me diktatorin Fidel Castro.
Sipas saj, Rama e pushton foltoren në mënyrë makabre:
“Zoti Rama mbajti një fjalim për rreth 1 orë, më keq se Fidel Castro.
Vjen këtu në Kuvend, merr këtë foltore dhe e pushton në mënyrë makabre. Hipokrizia më e madhe në këtë Kuvend nuk është vetëm faji i Edi Ramës, por i çdo kryeministri që ka qenë më përpara.
Nuk mund të flitet për Kosovën pa folur për viktimat e komunizmit.
Pa pasur asnjë të dënuar në burgje. Më vjen keq që nuk i kemi gjetur ato xhelatë dhe flasim për Kosovën.
Ne ia kemi bërë gjëmën këtij vendi. Ne i kemi bërë të njëjtën gjë që i ka bërë Serbia, Kosovës. Ne ia kemi bërë popullit tonë. Mos t’ju vijë keq, duhet ta shikojmë të shkuarën ashtu siç është”.
