Deputetja Rudina Hajdari, vijon takimet elektorale në qarkun e Elbasanit, ku dhe do të kandidojë në zgjedhjet parlamentare të 25 prillit.
Ditën e sotme, ajo ka qenë një një baxho në qytetin e Gramshit, ku ka veshur përparësen e bardhë dhe ka ndihmuar disa zonja në prodhimin e djathit kaçkavall.
Sipas saj, janë bizneset e ndershme modeli që duhet promovuar dhe lulëzuar.
”Sot në Gramsh pata kënaqësinë të ndihmoja zonjat e nderuara për përgatitjen e djathit kaçkavall në një nga baxhot më cilësore që ka Shqipëria. Nuk do lodhem së përsërituri se këto janë modelet që duhet të promovojmë e ndihmojmë të lulëzojnë. Biznese të ndershme, të cilat ndihmojnë zonën duke mbledhur qumështin e i shërbejnë qytetarëve produktin më të mirë. Shteti duhet të jetë shërbëtor i tyre e jo i krimit të organizuar. E ardhmja i takon njerëzve të ndershëm e punëtorë.”, shkruan Hajdari në rrjetin social, Facebook.
