Pas përfundimit të mbledhjes së Këshillit Politik, Rudina Hajdari ka folur me tone të ashpra.
Gjatë një deklarate për mediat, ajo theksoi se këshilli politik “është kthyer në një tryezë ku diskutohen çfarë tha Rama, çfarë tha Basha”.
“Kur vjen puna për të diskutuar sistemin zgjedhor këta mundohen t’i bëjnë bisht. Këta i shkelin syrin njëri-tjetrit”, deklaroi Hajdari.
Pjesë nga reagimi i saj: “Ky këshill politik është kthyer në një treyzë ku diskutohen çfarë tha Rama, çfarë tha Basha. Kjo ndodh sepse kur vjen puna për të diskutuar sistemin zgjedhor këta mundohen t’i bëjnë bisht. Këta i shkelin syrin njëri-tjetrit.
Vinë aty duke diskutuar çështje pa rëndësi për qytetarët shqiptarë. E kam thënë dhe do vazhdoj betejën time për ndryshimin sistemin, se në këtë vend nuk ka as liri dhe as demokraci. Në Shqipëri kam ardhur vetëm për këto dy parime.
Në momentin që shpreha mendimin tim në parlament u quajta tradhtare. Këtë betejë do e çoj deri në fund.
Qytetarët të më bashkohen në këtë betejë që të ndryshojmë sistemin zgjedhor.
Përndryshe do mbetemi në duart e tyre. Unë kam besimin që çdo demokrat real, çdo grua, nënë apo student do më bashkohet në këtë betejë. Kjo gjë ka për të ndodhur.
Momenti është tani. Ne po bëjmë një reformë zgjedhore, ta ndryshojmë këtë sistem zgjedhor. Unë për këtë kam ardhur në Shqipëri”.
