Në policinë e shtetit emërohen efektivë më të propozuar nga politikanët. Kryetari i Kuvendit z. Gramoz Ruçi dhe kreu i Komisionit të Ligjeve, z.Ulsi Manja janë përfshirën në aferën e emërimeve politike në Policinë e Shtetit.
Në një dokument të publikuar nga portali “faktor.al” dëshmohet se Ruçi, në kohën që ka qenë sekretar i Përgjithshëm i PS ka propozuar emërimin e 4 efektivëve në Policinë e Shtetit, posaçërisht në Tiranë, Lezhë dhe Gjirokastër. Ndërsa deputeti Ulsi Manja dyshohet se ka emëruar plot 11 persona gjatë gjashtë mujorit të dytë të 2013 dhe 2014, posaçërisht në komisariatin e Policisë Dibër, Mat dhe Kukës.
Të dhënat e 15 policëve në qarqet Tiranë, Lezhë, Gjirokastër dhe Dibër janë regjistruar si propozime në tryezën e punës së ish-ministrit Tahiri, i cili ka përcaktuar detyrën, funksionin, rekomandimin, data e fillimi të punës, gradës, emri, atësia, mbiemri, emri i deputet .
Firmosja e emërimeve dyshohet se është bërë nga ish-drejtori i Përgjithshëm i Policisë së Shtetit, z. Artn Didi.
Kryetari i Kuvendit z.Ruçi dhe Kreu i Komisionit të Ligjeve z. Ulsi Manja, duket se ka propozuar emërime politike në gradat, inspektor, nën/Komisar, Krye/komisar, dhe punonjës civilë. Emërimet janë në kapërcyellin e 2013-2014, çka ngre dyshime për një fushatë emërimesh politike të urdhëruara.
Rreth 49 deputetë socialistë dhe 1 i ish-ministër i LSI-së mendohet se i kanë kërkuar emërime dhe ripranime në Policinë e Shtetit për një numër total personash 259 efektivësh.
