Në kuadër të operacionit policor të koduar “Skaneri”, dje u arrestua në ambientet e Spitalit të Traumës mjeku reanimator, Fitim Marku si dhe u shoqëruan mjekja me inicialet S.B., dhe infermierja me iniciale K.B.
Arrestimi është bërë pasi nga hetimet e kryera deri më tani, rezultonte se këta persona merrnin shuma të konsiderueshme parash nga pacientë të ndryshëm, për kryerjen e skanerave pranë Spitalit të Traumës në Tiranë.
Bëhet me dije se mjekja dhe infermierja që u shoqëruan në polici, janë marrë në pyetje dhe do të hetohen në gjendje të lirë. Ato u shoqëruan pas denoncimeve të qytetarëve për marrje rryshfeti së bashku me mjekun reanimator Fitim Marku, i cili ndodhet pas hekurave.
