Kryeministri Edi Rama ka publikuar pamjet nga Rruga e Kombit, e cila nga një burim aksidentesh është kthyer në një rrugë me standarde europiane.
Rama vë në dukje se kjo është arritur falë një pune kolosale, për ta kthyer Rrugën e Kombit në një rrugë me standarde europiane sigurie, mirëmbajtjeje dhe qarkullimi normal.
Kreu i qeverisë shprehet me ironi se Rruga e Kombit ishte një rrugë e lënë rrugëve, e ndërsa sot situata është krejt tjetër.
Statusi
MIRËMËNGJES
dhe me këtë spektakël të punës së pandalshme për ta kthyer Rrugën e Kombit nga një rrugë të lënë rrugëve, burim aksidentesh, rrëshqitjesh masive gurësh e dheu, segment rreziqesh e vonesash në dimër, në një rrugë me standarde europiane sigurie, mirëmbajtjeje, qarkullimi normal në diell e në borë, ju uroj një ditë të mbarë.
