Një incident i rëndë është shënuar në një fabrikë në Indi, teksa si pasojë e rrjedhjes së gazit kanë humbur jetën 8 persona dhe janë helmuar mbi 300 persona.
Ngjarja ka ndodhur rreth orës 3 të mëngjesit në fabrikën e kompanisë, LG Polymers në qytetin e Andhra Pradesh. Mediat vendase raportojnë se qindra persona janë paraqitur në spital, duke u ankuar për djegie në sy dhe probleme me frymëmarrjen.
Sipas zyrtarëve, ky incident ka ndodhur si pasojë e neglizhencës së kompanisë.
Ministri për Industri shtetërore, Goutam Reddy ka thënë për BBC-në se fabrika nuk ka ndjekur procedurat e udhëzimet e dhëna për rihapje.
India ka histori tragjike me rrjedhje të tilla të gazit. Më 1984, një rrjedhje kimike nga një fabrikë në qendër të qytetit Bhopal ka lënë të vdekur mijëra persona, duke u konsideruar si katastrofa më e keqe industriale në botë.
