Situata epidemiologjike e Covid-19 në vend, paraqitet e rënduar për shkak se shifrat po rriten dita-ditës.
Në spitalin infektiv, i cili shërben për trajtimin e pacientëve të prekur me virus, është vënë re një rritje e numrit të ambulancave.
Deri në këto momente, në oborrin e spitalit janë rreth 10 ambulanca, disa prej të cilave kanë sjellë pacientë e disa presin t’i marrin. Ndërkohë, është shtuar edhe siguria në hyrje të spitalit.
Ministria e Shëndetësisë raportoi një ditë më parë 495 raste të reja me Covid-19, ndërsa 8 qytetarë humbën jetën.
Po sipas Ministrisë, në tre spitalet COVID po trajtohen 352 pacientë, ku 9 prej të cilëve janë në terapi intensive dhe 4 janë të intubuar.
