Autoritetet greke kanë vendosur që Athina të kalojë në lockdown për shkak të rritjes së shifrave të Covid-19.
Mësohet se kryeqyteti grek dhe zonat përreth saj do të qëndrojnë të mbyllura nga ora 06:00 e ditës së nesërme, deri më 21 shkurt, shkruan Kathimerini.
Ekspertët kanë parashikuar mbylljen e shkollave të të gjitha niveleve, dyqaneve dhe parukerive, teksa do të qëndrojnë të hapura vetëm ushqimoret dhe farmacitë.
Mbyllja bëhet në një përpjekje për të lehtësuar presionin në rritje mbi spitalet dhe për të ndaluar përhapjen e koronavirusit
Ndërkohë, njoftimi zyrtar pritet të jepet nga Kryeministri, Kyriakos Mitsotakis, në orën 19:30 të pasdites.
Që prej fillimit të pandemisë, në Greqi janë shënuar 164,575 raste infektimi dhe kanë ndërruar jetë 5,997 pacientë.
