Ardi Veliu, drejtori i Përgjithshëm i Policisë së Shtetit, ka zhvilluar një takim me drejtues të Policisë së Tiranës dhe të Elbasanit.
Ai kërkoi një angazhim maksimal te policisë dhe u la detyra konkrete dhe afate për zbardhjen e ngjarjeve të fundit kriminale. Mësohet se Veliu ka qenë mjaft i ashpër me vartësit duke u thënë se qëndrimi në detyrë i tyre do të varet nga zbardhja ose jo e këtyre ngjarjeve që tronditën publikun.
Ndërkohë është bërë një koordinim i punës mes hetuesve të qarqeve dhe atyre të Drejtorisë së Përgjithshme. Veliu ka kërkuar një angazhim më të madh në kontrollin e territorit si edhe punë më të madhe për parandalimin e ngjarjeve.
Po ashtu Veliu ka kërkuar që policia të mbajë nën vëzhgim personat me precedentë kriminalë apo ata që kanë tendencë për t’u përfshirë në aktivitete të paligjshme.
