Mëngjesin e sotëm raportohet se janë shtuar viktimat nga virusi kinez. Sipas “Reuters” deri tani numri i viktimave ka arritur 259 dhe janë mbi 9000 të infektuar. Pjesa më e madhe e viktimave janë të raportuara në dy krahinat kryesore ku është përhapur virusi, përkatësisht në Wuhan dhe Hubei.
Nga ana tjetër, SHBA-ja e cila i trembet një përhapje të koronavirusit nëpërmjet portave të saj ka pezulluar të gjithë fluturimet për në Kinë si dhe ka aplikuar masa drastike për lëvizjen e të huajve. Tri kompanitë ajrore kryesore amerikane që prej ditës së djeshme anuluan të gjitha fluturimet drejt Kinës.
Sakaq, përfaqësues të OBSH-së në Kinë kanë thënë që pezullimi i udhëtimeve ka qenë një masë e panevojshme, pasi autoritetet kineze kanë ndërmarrë të gjitha masat për parandalimin e virusit.
“Ne do të donim që shtetet të përqendrohen në përpjekjet për identifikimin e rasteve të mundshme dhe kundërpërgjigjen ndaj ndonjë përhapjeje brenda territoreve të tyre”, Gauden Galea, përfaqësues i OBSH-së në Kinë.
