Numri i personave të infektuar me koronavirus në Kosovë është rritur ndjeshëm.
Së fundmi janë konfirmuar 26 raste të reja, duke e çuar numrin total të të infektuarve në 61.
Instituti Kombëtar i Shëndetësisë Publike të Kosovës ka njoftuar se pas marrjes së mostrave të 100 personave që kanë qenë në kontakt të afërt me pacientë të infektuar me koronavirus, është konfirmuar edhe për 26 persona të tjerë të prekur me këtë sëmundje.
“Nga këto mostra të marra për testim në virusin SARS-CoV, njëzet e gjashtë (26) prej tyre kanë rezultuar pozitive”, thuhet në njoftim.
Ky Institut ka njoftuar se 14 raste janë Komuna e Malishevës, 11 raste nga Gjilani dhe 1 rast nga Gjakova.
Kujtojmë se të dielën u shënua viktima e parë në Kosovë si pasojë e COVID-19.
