Franca vijon të jetë një ndër vendet që shënon numrin më të madh të viktimave nga koronavirusi.
Në 24 orët e fundit janë regjistruar 753 viktima, duke e çuar në 17,920 numrin total të personave të vdekur.
Edhe pse sot është regjistruar pothuajse gjysma e numrit të viktimave që u shënuan dje (1,438), prapë bilanci ditor mbetet i treti më i rëndi në botë, pas SHBA-ve dhe Mbretërisë së Bashkuar.
Por pavarësisht uljes së ndjeshme të numrit të viktimave, Franca ka regjistruar një numër rekord rastesh të reja, plot 17,164 të tilla.
Që nga koha e shpërthimit të koronavirusit, Franca ka regjistruar gjithsej 165,027 raste infektimi. Ajo renditet e katërta për numrin më të madh të personave të infektuar, pas Italisë që regjistron rreth 4 mijë raste më shumë (168,941), Spanjës (182,816) dhe SHBA-ve (668,174).
Me këto ritme pritet që Franca të ia kalojë Italisë për numrin më të madh të të infektuarve dhe Spanjës për numrin më të madh të vdekjeve. Kjo e fundit regjistron vetëm 1,200 viktima më shumë.
Më shumë se 2,1 milionë njerëz nga e gjithë bota janë prekur nga COVID-19, ndërsa mbi 144 mijë persona kanë humbur jetën.
