Turqia ka lajmëruar nëpërmjet një mesazhi ndërkombëtar, se po dërgonte një anije për të kryer gërmime për naftë në zonën midis Qipros dhe Greqisë, një territor që ka hapur debate midis dy vendeve.
Kjo lëvizje e shtetit turk ka bërë që kryeministri grek, Kiriakos Mitsotakis, të mbledhë Këshillin Kombëtar të Sigurisë.
Turqia deklaroi se anija do të kryejë gërmime për eksplorim nga data 10 gusht deri më 23.
Ministri turk për Energjinë dhe Burimet Natyrore, Fatih Donmez, tha në Twitter se anija “Oruc Reis” ka mbërritur në zonën e veprimit, duke thënë se ajo ka mbështetjen e 83 milionë personave (popullsia e Turqisë).
Lëvizja vjen menjëherë pas marrëveshjes që nënshkroi Greqia me Egjiptin, duke caktuar kufijtë e rinj detarë dhe të drejtat e gërmimit për naftë. Turqia është e vendosur që këta kufij të qëndrojnë jashtë Mesdheut Lindor.
Zbulimet e fundit të burimeve të gazit natyral nëpër Mesdhe kanë bërë që tensionet të rriten edhe më tej.
