Një konflikt i armatosur midis Turqisë dhe Greqisë arriti të shmangej vetëm përmes ndërmjetësimit të kancelares Angela Merkel. Presidenti i Turqisë, Recep Tayyip Erdoğan, ka zhvilluar një bisedë përmes video-konferencës me kancelaren gjermane Angela Merkel.
Gjatë bisedës me kancelaren gjermane, Erdoğan ka thënë se është e papranueshme që disa vende mbështesin ‘qëndrimin e padrejtë dhe egoist të Greqisë’.
Erdoğan deklaroi se ‘Greqia, pala greke qipriote dhe vendet që i mbështesnin ato, ndërmarrin hapa që përshkallëzojnë pazgjidhshmërinë dhe tensionet’.
Tensionet midis Greqisë dhe Turqisë janë rritur, pasi Turqia dërgoi anijen “Oruc Reis”, të shoqëruar nga anijet luftarake, për të hartuar shpimet e mundshme të naftës dhe gazit në territorin mbi të cilin të dy vendet pretendojnë juridiksion.
