Kreu i Grupit Parlamentar të LSI-së, Petrit Vasili përmes një statusi në ‘Facebook’ shkruan se papunësia dhe varfëria kanë bërë që shqiptarët të largohen masivisht nga vendi, si e vetmja mundësi shpëtimi dhe mbijetese.
Vasili akuzon Qeverinë se nuk ka një strategji të mirëfilltë ekonimke, por thjesht ‘improvizime korruptive’, gjë e cila shkakton varfëri.
Sipas tij, e vetmja zgjidhje që iu ka mbetur shqiptarëve është emigracioni.
“Rriten në 680 milionë euro, si asnjë herë më parë në 6 vitet e fundit paratë, që emigrantët iu dërgojnë familjeve në Shqipëri.
Papunësia dhe varfëria, kanë bërë që shqiptarët të marrin rrugët e Evropës dhe të botes si asnjë herë më parë në gjashtë vitet e fundit”, shkruan Vasili.
Postimi i plotë:
Rriten parate nga emigracioni per shkak te ekonomise se kriminalizuar e papunesise tronditese.
Rriten ne 680 milione euro si asnje here me pare ne 6 vitet e fundit parate, qe emigrantet ju dergojne familjeve ne Shqiperi.
Papunesia dhe varferia kane bere qe shqiptaret te marrin rruget e Europes dhe te botes si asnje here me pare ne gjashte vitet e fundit.
Kjo ka ka qene mundesia e vetme e shpetimit dhe e mbijeteses per ta dhe familjet e tyre.
Asnje strategji ekonomike,por thjesht improvizime korruptive, renie drastike e investimeve te huaja per shkak te klimes mbytese dhe asfiksuese ndaj bisnesit,
taksave te larta, mungeses se sherbimeve dhe administrates se korruptuar tatimore jane shkaqet e nje rrenimi ekonomik pa kthim, qe rilindja instaloi ne keto 6 vjet.
Vetem zgjidhja deshperuese e emigracionit ju ka mbetur shqiptareve dhe te gjitha deklarimet mashtruese me shifra te genjeshtra per ekonomine vetem sa e rendojne thellesisht gjendjen dhe situaten shoqerore e bejne shperthyese.
Shqiptaret praktikisht po debohen masivisht nga shtepia e tyre e cila eshte zaptuar nga korrupsioni dhe ekonomia e kriminalizuar dhe e droguar.
