Kryeministri i Holandës, Mar Rutte u ka kërkuar falje qytetarëve për lehtësimin e masave anti-covid në fund të muajit qershor, pasi në ditët e fundit në vend është regjistruar një rritje e rasteve me koronavirus.
Hollanda përshpejtoi lehtësimin e masave kufizuese muajin e kaluar, por rritja e rasteve me koronavirus ka arritur në nivelin më të lartë për vitin 2021, shkruan Euronews.
Duke folur para gazetarëve të hënën, Rutte pranoi se vendimi për të lehtësuar masat ishte e gabuar. “Ajo që menduam se ishte e mundur doli të jetë e gabuar në praktikë. Ne bëmë një llogaritje të gabuar, jemi të zhgënjyer për këtë dhe kërkojmë falje,” tha ai.
Vendimi për të rivendosur disa kufizime, vetëm dy javë pasi u hoqën, ka çuar gjithashtu në kritika të forta ndaj Kryeministrit dhe Ministrit Hollandez të Shëndetësisë Hugo de Jonge.
Rutte pranoi se qeveria nuk kishte qenë “mjaft autokritike” kur rivendosi kufizimet të premten. Kryeministri kishte thënë se vendimi fillestar për të lehtësuar masat ishte “logjik dhe i përgjegjshëm në atë kohë”. Masat e reja pritet të zgjasin deri më 13 gusht.
