Ndërhyrja e trupave izraelitë ndaj protestave paqësore të “Marshit të Kthimit të Madh” në Rripin e Gazës, ka rezultuar me një bilanc prej të paktën 144 palestinezë të plagosur. Lajmi është transmetuar nga Anadolu Agency (AA).
Sipas njoftimit të bërë nga Ministria e Shëndetësisë në Gazë, 73 janë plagosur me plumba të vërtetë dhe pjesë nga shrapnelë.
Raportohet se 53 prej të plagosurve janë fëmijë, 3 gra, 2 punonjës shëndetësor dhe 1 gazetar. Sipas njoftimit gjendja e tyre shëndetësore është e rëndë.
Prej mëse një viti, palestinezët në kufirin e Rripit të Gazës organizojnë protesta paqësore me moton “Marshi i Kthimit të Madh”. Ata kërkojnë kthimin në territoret nga ku u dëbuan, si dhe heqjen e bllokadës së Gazës të imponuar në vitin 2006.
Qendra për të Drejtat e Njeriut, Al-Mizan, ka numëruar mbi 320 palestinezë të martirizuar deri tani. Ndërsa rreth 18.500 të tjerë të plagosur deri tani.
