Pas fjalës së ambasadorit të OSBE-së, Bernd Borchardt, tryeza e mbledhur për Reformën Zgjedhore nisi me debate mes Damian Gjiknurit dhe Kujtim Gjuzit.
Ky i fundit, në momentin që fjalën e mori Gjiknuri, kërkoi që Ivi Kaso, përfaqësues i PD-së, të mos flasë para Rudina Hajdarit, që është bashkë-kryetare e Komisionit të Reformës.
Ndërkaq, Gjiknuri iu përgjigj se nuk është e nevojshme të bëjë avokatin e Hajdarit.
Kujtim Gjuzi: Zoti Gjiknuri të lutem, duhet të flasë Rudina Hajdari para Ivit Kasos
Damian Gjiknuri: Axhenda është dakordësuar, nuk mund të bëni avokatin e saj, zoti Gjuzi
Kujtim Gjuzi: Ivi Kaso nuk mund të flasë para Rudina Hajdarit, nuk na e mbyll dot gojën
Gjiknuri: Ju lutem respektoni tryezën, rri si njeri aty, do të vijë radha
Gjuzi: Më tregoni ju mua
Gjiknuri: Kemi rënë dakord për rendin e fjalës, edhe me zonjën
Gjuzi: Do flasë ajo, nuk ka kuptim
Gjiknuri: E kuptoj që nuk janë normale në një tryeze këto reagime, por emocionet janë të larta kur vjen fjala për reformën zgjedhore.
