Një helikopter ushtarak është rrëzuar në Meksikë gjatë një operacioni, pasi u përfshi nga flakët, e për pasojë pesë anëtarë të bordit humbën jetën. Viktimat ishin pjesë e personelit ushtarak të Meksikës.
Helikopteri MI-17 u rrëzua rreth 90 kilometra larg qytetit Jalpan de Sierra, ku po ndihmonte që të shuante zjarrin që kishte kapluar malet.
Personat e vdekur u gjetën në mal dhe ishin pjesë e personelit ushtarak të Meksikës.
Presidenti i Meksikës, Andres Maneul Lopez Obrador si dhe zyrtarë të tjerë të shtetit mbajtën në mbrëmje një minutë heshtje në kujtim të personave që humbën jetën.
