Një ngjarje e rëndë është shënuar në orët e para të ditës së sotme, raporton televizioni shtetëror i Iranit. Sipas tyre, një avion ukrainas me 176 persona në bord është rrëzuar pranë një aeroporti në afërsi të kryeqytetit Teheran. Si pasojë e përplasjes kanë mbetur të vdekur të gjithë pasagjerët dhe personeli i avionit.
Deri tani nuk ka shumë detaje, por duke iu referuar televizionit shtetëror, avioni u rrëzua për shkak të problemeve mekanike.
Një grup hetimor po punon në vendin e rrëzimit në periferinë jugperëndimore të Teheranit. Sonë mëngjes nisi puna edhe për nxjerrjen e viktimave nga vendi i ngjarjes.
Rrëzimi erdhi disa orë pasi Irani ndërmori një sulm me raketa balistike që kishin në shënjestër dy baza në Irak ku ishin stacionuar forca të SHBA, në shenjë hakmarrjeje për vrasjen e gjeneralit të Gardës Revolucionare Qasem Soleimani.
