20 shkurti i vitit 1991 ishte dita kur shqiptarët rrëzuan bustin e diktatorit Enver Hoxha, për t’i hapur rrugë pluralizmit dhe demokracisë. Ish-kryeministri Sali Berisha ka treguar formën e organizimit të protestës së studentëve dhe vendin nga nisi rezistenca dhe tubimi i tyre.
Studentët si kundërpërgjigje ndaj regjimit të egër, marshuan dhe përmes grevës së urisë arritën të tundnin pluhurin e diktaturës. Rezistenca e tyre çoi në rrëzimin e bustit të Hoxhës, i cili mbretëronte e dhe pas vdekjes së tij.
Sipas Berishës, kulti i ngritur nga diktatori Enver Hoxha ishte aq i fortë sa jetojë edhe 5 vite pas vdekjes së tij. Gjithashtu Berisha tregoi se organizimi i parë ishte nga Kamza, pasi studentët jetonin në kushte të tmerrshme.
Ai thotë se me porosinë time kam dërguar Azem Hajdarin dhe Arben Imamin të takohen me studentët,por i gjithë organizimi ishte bërë nga PD-ja dhe për këtë ka dokumente , nënvizoi mes tjerash Berisha.
“Nuk kam parë njerëz me një forcë më të madhe se në atë ditë. 20 shkurti është përmbysja e kultit më poshtërues më skllavërues. Kaq i fuqishëm ishte kulti i Enver Hoxhës, i cili e edhe pas 5 vitesh që kishte vdekur, ishte në çdo cep , shkollë, në çdo pozicion. Unë kam qenë me studentët dhe jam nisur me masën e njerëzve dhe kam kaluar në sheshin “Skënderbej” kur njerëzit kishin ardhë aty. Nga aty kam shkuar në zyrën time. Momenti i parë nga alfa tek omega, lëvizjen e ka drejtuar PD, e gjitha nga çfarë ndodhi nga 4 shkurt e deri në 20 shkurt është vepër e PD, këtu ka vetëm dokumente. Në Kamëz kushtet e studentëve ishin shumë të rënda. Ne vendosëm që aty të filloj protesta dhe më pas është bojkotuar mësimi. Kanë shkuar Azemi dhe Imami me porosinë time, kanë sjellë shqetësimet e studentëve”-tha ai në Studio e Hapur
