Presidenti i Republikës, Ilir Meta në një intervistë për ‘RTV Ora’ i bëri thirrje partive politike që të largohen nga pozitat e të fortit pasi vendi mund të rrëshqasë në një krizë të pamenduar, ndërsa theksoi se tashmë ndodhemi në tehun e greminës.
Sipas kreut të shtetit, kriza politike në vend rrezikon pluralizmin politik, teksa uron që zgjedhjet vendore të 30 qershorit të zhvillohen në mënyrë të qetë dhe demokratike.
“Mungesa e dialogut pa dyshim që do të akumulojë një hendek që do të çojë në kriza. Pa dyshim një problem serioz është mungesa e Gjykatës Kushtetuese dhe problemet e mëdha në sistemim gjyqësor.
Nuk e dinë çfarë presin më shumë kur sistemi i rregullave të lojës dhe bashkëjetesës demokratike është tronditur rëndë. Në rast se nuk e shohim përpara humnerën, nuk bëjmë gjë tjetër vetëm se përsërisim gabimet që i kushtojnë vendit”, tha Meta.
