Pas trazirave në vend, dhe mundësisë që vendi të shkojë drejt një përplasje civile, kreu i shtetit bën lëvizjen e radhës. Presidenti Meta i ka kërkuar informacion drejtorit të përgjithshëm të burgjeve, një informacion lidhur me sigurinë.
Kreu i shtetit ka marrë informacione se në disa burgje të vendit rrezikohet shpërthimi i tyre, dhe dalja në liri e personave me precedentë penalë.
Sipas të njëjtave burime, në letrën e tij, Meta kërkon vlerësimin e situatës duke parë gjendjen e tensionuar në vend.
Ai i kërkon drejtorit të përgjithshëm të burgjeve marrjen e të gjitha masave, për parandalimin e çdo situate që mund të rrezikonte sigurinë në vend.
