Një pjesë e shqiptarëve preferojnë ti festojnë festat e fundvitit jashtë Shqipërisë. Sigurisht kjo është një zgjedhje për ata që kanë mundësinë ekonomike të ikin. Në një komunikatë të shpërndarë për median nga të gjitha Pikat e Kalimit Kufitar, Strukturat e Departamentit për Kufirin dhe Migracionin raportohet se është numri më i lartë për ata që hyjnë në Shqipëri.
Prej datës 24.12.2017 deri më datën 31.12.2017 nga të gjitha pikat e kalimit kufitar ka pasur fluks të shtuar në hyrje dhe lëvizje normale në dalje konkretisht:
Kanë hyrë 241 546 shtetas shqiptarë dhe të huaj, si dhe 67 971 mjete. Kanë dalë 185 460 shtetas shqiptarë dhe të huaj, si dhe 56 257 mjete.
Gjithashtu, po gjatë kësaj periudhe kanë hyrë në vendin tonë edhe 23 981 turistë të huaj nga vende të ndryshme, të organizuar në grupe dhe shoqata , me destinacione të ndryshme në vendin tonë.
