Një ditë pas reagimit të ashpër të bërë nga Presidenti i Kosovës, Hashim Thaçi, i cili teksa ishte në manifestimin “Ditët e Shqipes” që mbahet çdo vit në Koshare, deklaroi se “Kërcënimeve të Serbisë u përgjigjemi me pushke”, ky është lajmi i parë i mediave serbe.
“Thaçi përsëri kujton luftën! Presidenti i Kosovës ka kërcënuar se do të godasë Serbinë me “pushkë” dhe shteti i Serbisë përgjigjet se kjo është një tjetër provë se pala shqiptare nuk dëshiron dialog, por luftë!”- shkruan Kurir.
Më tej, gazeta shkruan se ajo qe tha Hashim Thaçi ishte pjesë e një fjalim skandaloz në Koshare, pas te cilës ka reaguar ashpër kreu i diplomacisë serbe, Ivica Daçiç.
Thaçi përmendi edhe kërcënimet që sipas tij po vijnë nga Serbia por tha se “këtyre kërcënimeve do t’iu përgjigjemi siç iu kemi përgjigjur para 19 vitesh, me pushkë”, tha presidenti.
