Kreshnik Beqiraj është identiteti i viktimës së gjetur dje në fshatin Daullas, Fier. Sipas policisë, ai është vrarë nga shoku i tij, Albert Zekaj, me të cilin ndante qiranë.
Por, një vit më parë, tezja e tij denoncoi publikisht zhdukjen e 36 vjeçarit.
“Unë kam disa vite që jam shkëputur, pasi jetoj jashtë dhe kisha kohë pa e parë nipin tim. Pas disa kohësh, më thonë që është zhdukur Niku, që prej datës 26 qershor. Menjëherë preva biletën dhe u nisa. Kur erdha këtu, u mundova me njohjet e mija, por askush nuk dinte ku të më adresonte. Iu drejtuam policisë, me të gjitha formalitetet dhe deri më sot nuk kemi marr asnjë përgjigje. Përsëri i bëj thirrje shtetit me këmbëngulje, që të kërkojnë në të gjithë vendin. Pasi Kreshniku nuk ka bërë as hyrje e as dalje.
Ai ishte një djalë i urtë, korrekt, nuk i binte askujt në qafë, çdo gjë që ai bënte e kryente, ishte i gatshëm për të ndihmuar çdokënd. Babai i Kreshnikut është i sëmurë, gati për të vdekur, ai ndodhet këtu në Fier. Kurse motra, vëllai dhe mamaja ndodhen jashtë shtetit. Për arsye dokumentesh, ata nuk mundën të vijnë. Kurse motra e vetë erdhi, por nuk bëri dot asgjë. Të gjithë kemi bërë kërkimet, por nuk na jep njeri një shenjë jete.
I bëjmë thirrje dhe opinionit qytetar, kush e njeh qoftë dhe një sinjal më të vogël, edhe anonim le të jetë, të na sinjalizojë, që Kreshnik Beqiraj ndodhet këtu dhe ka jetën. Nuk duam që ta kemi me patjetër këtu, mjafton vetëm që ai të jetë gjallë,”-përfundon rrëfimin e afërmja e 36 vjeçarit. Tirana Today
