Keidi Bare synon të shfaqë potencialin e tij të vërtetë te Malaga, ku u transferua nga Atletico Madrid. Ai preferoi më mirë ligën e dytë spanjolle, vetëm që të aktivizohej. Në një intervistë për “AS”, fieraku kuqezi ka nënvizuar mes të tjerash:
“Nuk e prisja një fillim të tillë. Erdha për të ndihmuar skuadrën, por po luaj titullar. Falënderoj stafin teknik dhe kolegët, sepse më ndihmojnë gjithmonë. Çdo lojtar do të donte të ishte aty, ku jam tani. Është një ëndërr e përmbushur, por ende kam gjëra për të bërë. Unë nuk jam i kënaqur.
Dita kur mbërrita në Spanjë? Isha 14 vjeç. Jam trajnuar me Atlético Madrid në katër ditë testimi. Nga atje shkova në Gjeorgji për një javë, në një turne, ku isha mesfushori më i mirë. U ktheva tek Atlético Madrid, pas rregullimit të disa letrave në vendin tim. Kam qenë aty për pesë vite. Ishte një përvojë e mirë. Tek Atlético Madrid kanë mësuar shumë.
Dita e debutimit me ekipin e parë? Natyrisht, e mbaj mend. Ishte një ndeshje kundër Guijuelo (Kupën e Mbretit), por nuk mund të luaja, sepse kisha karton të kuq me Atlético B. U ndjeva shumë keq. Kam udhëtuar me skuadrën. Më vonë kisha mundësinë të debutoja në La Liga, kundër Las Palmas. Nuk më zinte gjumi, luajta përkrah Gabi, Fernando Torres…
Si u krijua mundësia për te Malaga? Menaxheri im më njoftoi dhe i thashë “po” që në fillim. E kisha shumë të qartë. Unë jam një djalë i ri, dua të bëj gjëra pozitive në jetë. Kam nënshkruar për tri vite me Malaga. E shoh veten këtu për shumë vite, por së pari duhet të punoj mirë.
Roli im? Kam luajtur në shumë pozicione, ku më kanë aktivizuar trajnerët. Me të rinjtë e Atlético Madridit kam bërë edhe portierin. Madje, në këtë rol kam marrë edhe një karton të kuq. Dhe e fituam atë lojë. Kam luajtur si mesfushor qendre, në krahun e djathtë, në të majtë.
Cilin kam referencë në pozicionin tim? Modric, Iniesta…, janë shumë lojtarë. Spanjishten e kam mësuar nga miqtë e mi tek Atlético Madrid. Duke folur me ta, edhe në rrugë. Ky ishte çelësi. Dhe duke parë filma. Pse nuk ka shumë shqiptarë në Spanjë? Luan Rey Manaj tek Albacete, i cili është shoku im më i mirë.
Ai është një lojtar shumë i mirë. Ishte te Granada dhe tani po bën shumë mirë. Rey Manaj është lojtari më i mirë në Shqipëri. E kam shumë të qartë! Ai është një lojtar i madh për ekipin.
Me Shqipërinë U-21 jam përballur me Spanjën. Luajtëm dy ndeshje. Në Córdoba kemi humbur 3-0 dhe në Shqipëri u mundëm 0-1. Spanja është një nivel tjetër. Të luaj me Shqipërinë, për mua është një ëndërr. Futbolli shqiptar është përmirësuar shumë.
Me Giani Di Biassi, Shqipëria shkoi në Kampionatin Europian. Shqiptarët u çmendën! Ishte diçka që nuk kishte ndodhur kurrë. Çfarë bëj në kohën e lirë? Përqendrohem vetëm te futbolli. Më pëlqen kinemaja dhe shkoj pothuajse gjithmonë.
Pasdite nuk qëndroj kurrë në shtëpi. Stërviten me babanë tim. Ai ka luajtur futboll në Shqipëri. Njerëzit thonë se ishte i mirë, edhe pse unë e kam parë shumë pak, sepse isha i vogël”.
