Prej vitit, 2008 Igli Tare punon si drejtor sporti i Lazios.
Ai ka folur për Lazio Style 1900… rreth futbollit, pasionit të tij të madh.
“Kam qenë gjithmonë i bindur që do të vazhdoja të isha pjesë e botës së futbollit edhe pasi të tërhiqesha si futbollist, por nuk e kisha të qartë nëse do të vijoja si drejtues apo si trajner. Jeta ime do të mbetej e lidhur me futbollin.
Ky sport ka qenë një pikë referimi për mua dhe, kur isha lojtar, e mendoja ndryshe nga të tjerët.
Kisha interes për atë që ndodhte jashtë fushave, më intrigonte mënyra se si menaxhohej një klub dhe diçka e tillë më ka ndihmuar shumë në karrierë.
Kur nisa rrugën e drejtuesit, mendoja se doja të promovoja veten.
Kisha një eksperiencë të rëndësishme dhe i premtova vetes se nëse do të punoja si drejtues sportiv, do të vijoja të mendoja si një futbollist aktiv.
Kjo më ka ndihmuar shumë, sidomos në momentet e vështira”, u shpreh Tare, shkruan “abcnews.al”.
