Dalin në dritë detaje tjera në lidhje me arrestimin e Vladimir Gjutës.
Bëhet me dije se 40-vjeçari akuzohet për dy ngjarje të dhunshme të ndodhura brenda dy javëve. Burime policore bëjnë me dije për “BalkanWeb” se përveç rrahjes me sende të forta të kushëririt të tij J. H., më datë 2 janar të 2020, ai akuzohet edhe për një rast tjetër.
Gjuta dyshohet të jetë autor i ngjarjes së ndodhur më 19 dhjetor 2019 te Rruga e Elbasanit, pranë Fakultetit të Historisë dhe Filologjisë, ku është goditur po me sende të forta shtetasi S. Xh.
Ai akuzohet për veprat penale “Plagosja e rëndë me dashje” dhe “Kanosja”.
