Ministri gjerman për Europën, Michael Roth deklaroi se Shqipëria ka realizuar progres në lidhje me reformat, sa i takon hapjes së negociatave me Bashkimin Europian.
Gjatë konferencës së përbashkët për shtyp me kryeministrin Edi Rama në Tiranë, Roth u shpreh se po punohet që me 22 qershor, Këshillii i Ministrave të Europës, të marrë vendim pozitiv për Shqipërinë.
Ndër të tjera, Roth u shpreh se vendi ynë është në fillimin e një rruge për ndërtimin e shtetin ligjor, drejtësisë funksionale, dhe të një administrate moderne.
Michael Roth: ”Shqipëria ka shënuar arritje, ashtu sikurse mund të thuhet dhe për Maqedoninë e Veriut. Për këtë arsye ne po punojmë me trysni që më 22 qershor Këshilli i Ministrave të Evropës të mund të marrë një vendim pozitiv, duhet që më në fund të nisim. Sigurisht që ka shumëçka për t’u bërë ende. Jemi thjesht në fillim të një rruge, shteti ligjor, një sistem drejtësie funksional, një administratë moderne, qasje me respekt kundrejt pakicave. Ne nuk jemi thjesht një komunitet ekonomik dhe monetar, por jemi një komunitet vlerash.”
