Pas largimit të Zinedin Zidane dhe ardhjes së trajnerit të ri në një mënyrë aspak paqësore, tek Real Madrid situata sa vjen dhe tensionohet. Tashmë është krijuar një situatë akoma më e tensionuar, pasi Ronaldo kërkon me çdo kusht largimin nga “los blancos”, ndërsa presidenti Perez po bëhet një pengesë. Por duket se ky largim është i paevitueshëm dhe madrilenët po shohin mundësitë për të përforcuar skuadrën e tyre.
Perez është hedhur në veprim dhe është i gatshëm që të investojë plot 155 milionë euro për mesfushorin e Lazios, Sergej Milinkovic-Savic, sipas Corriere dello Sport dhe AS. Serbi ka mahnitur në Kupën e Botës pas dy sezoneve të shkëlqyera në Serie A dhe Europa Ligë.
Manchester United, Barcelona dhe Paris Saint-Germain kanë shfaqur interesim për të, ndërsa Juventusi dëshiron të transferojë Cristiano Ronaldon për 100 milionë para futbollistit serb që kushton më shumë.
Agjenti i 23-vjeçarit, Mateja Kezman, është parë duke drekuar me presidentin e Lazios, Claudio Lotito dhe drejtorin sportiv, Igli Taren.
