Sa herë ka zbritur në fushë me Juventusin ka shkëlqyer, pavarësisht se golat nuk kanë qenë të shumtë në këto sfida të para. Cristiano Ronaldo është i fokusuar që të gjejë formën më të mirë me skuadrën e re dhe të jetë po aq vendimtar sa ishte tek Real Madrid, për këtë arsye ai ka refuzuar për të dytën herë ftesën nga kombëtarja e Portugalisë.
Sipas “Record”, ylli portugez ka kërkuar që të mos jetë pjesë e grumbullimit, ashtu si kishte bërë edhe në ndeshjet e shtatorit. Ronaldo ka telefonuar trajnerin Santos dhe presidentin e Federatës Portugeze të Futbollit, Fernando Gomes dhe iu ka shpjeguar arsye se pse kërkon të lihet pushim edhe këtë herë, duke marrë edhe miratimin e tyre.
Pra, Ronaldo nuk do të thirret nga Santos për ndeshjet kundër Polonisë dhe Skocisë, por ai do të humbasë, gjithashtu, duelin e kthimit me Italinë, të planifikuar për më 17 nëntor, në Milano, dhe sfidën tjetër kundër Polonisë. Sidoqoftë, Cristiano Ronaldo, i cili tashmë e kishte kursyer veten në ndeshjet ndërkombëtare të shtatorit, nuk ka ndërmend t’i thotë lamtumirë ekipit të tij kombëtar, por do të kthehet aty vetëm në vitin 2019.
Ja lista e publikuar sot nga trajneri Santos për angazhimet e tetorit
Portierë: Beto, Cláudio Ramos dhe Rui Patrício.
Mbrojtës: Cédric Soares, João Cancelo, Luís Neto, Pedro Mendes, Pepe, Ruben Dias, Kevin Rodrigues dhe Mário Rui.
Mesfushorë: Bruno Fernandes, Danilo Pereira, Gedson Fernandes, Pizzi, Renato Sanches, Rúben Neves, Sérgio Oliveira dhe William Carvalho;
Sulmues: Bernardo Silva, Bruma, Gonçalo Guedes, Hélder Costa, André Silva dhe Éder.
