Ai është duke kaluar një formë të jashtëzakonshme dhe atë e tregoi në përballjen me Juventusin ku shënoi një ndër golat më të bukur në karrierën e tij. Cristiano Ronaldo punon shumë në stërvitje, por një arsye tjetër e formës së tij të mirë këtë sezon është edhe periudha e pushimeve që ai ka marrë. Stërvitja e yllit portugez vërteton se ajo që ai dhuron në fushë nuk është rastësi.
Sulmuesi i Real Madrid e realizoi këtë “perlë” gjatë përgatitjeve për derbin e nesërm kundër Atletico Madrid. Ronaldo, ende pa u shuar jehona e golit që shënoi në Torino, u përsërit, sërish pas një krosimi të Carvajal, duke marrë duartrokitjet e shokëve të skuadrës që qendrën stërvitore “Valdebebas”.
