Cristiano Ronaldo edhe pse nuk arriti të lëri gjurmë edhe në ndeshjen me Lazio duke mos gjetur golin, është bërë hit në rrjetet sociale. Strakosha duket se i kishte vënë vetes një qëllim, që ylli portugez nuk do t’ia shënonte golin e parë në Serie A gardianit kuqezi dhe ia doli mjaft mirë ta fitonte këtë duel.
Por ajo që ka bërë përshtypje më shumë ishte gjesti që ka bërë Ronaldon në shënimin e golit të dytë. Pavarësisht se topi përfundoi në rrjetë, portugezi u ngatërrua me të pas devijimit të Strakoshës dhe humbi shansin për të shënuar. Më pas ishte Mandzukic që e dërgoi topin në rrjetë, dhe në këtë moment u vu re qartë egoja e yllit portugez.
Topi përfundoi në rrjetë, por Ronaldo nuk ishte aspak i lumtur dhe bën një gjest duke u kthyer nga tifozët dhe duke hapur krahët. Kjo nxjerr në pah egoizmin e portugezit për të shënuar, por trishton edhe tifozët bardhezinj të cilët kuptojnë se ai dëshiron një sukses personal, para fitores së Juventusit.
Kjo është ndeshja e dytë që ylli portugez nuk arrin të shënojë me fanellën e Juventus, momenti që të gjithë tifozët po presin.
