Real Madrid me fitoren 3-1 që mori të mërkurën në mbrëmje përballë PSG-së, ka hedhur një hap të rëndësishëm për të vazhduar në Champions League. Edhe pse francezët kaluan në avantazh të parët me Rabiot, dy golat e Ronaldos dhe i Marcelos sollën përmbysjen e madhe.
Pesë herë fituesi i “Topit të Artë”, autor i dy golave, ka thënë pas ndeshjes: “Është gjithmonë e veçantë kur ti shënon dhe ekipi fiton ndeshjen. Kam qenë më i miri në fushë në këtë ndeshje, kam ndihmuar skuadrën të fitojë duke shënuar dy gola”.
Pavarësisht avantazhit të dy golave, Ronaldo nuk beson se kualifikimi është i sigurt: “Asgjë nuk ka mbaruar akoma. Duhet të shkojmë në Paris të provojmë të fitojmë dhe të sigurojmë kualifikimin”.
