Ronaldo një vit më parë pasi pati probleme me evazionin fiskal në Spanjë shprehu dëshirën që të largohej drejt Premier League, pasi atje nuk kishte pasur probleme të tilla. Ai është akuzuar dhe vazhdon gjyqet për evazion fiskal, pasi dyshohet se ka shmangur rreth 14.7 milionë euro taksa, gjë që e ka hedhur poshtë menjëherë futbollisti.
Caridad Gomez Mourelo, përgjegjësi për sektorin e mashtrime fiskale në qeverinë spanjolle, lëshon disa akuza të forta në drejtim të ylli portugez të Realit. Ai shprehet se krimi i Ronaldos është shumë i rëndë, dhe tashmë duhet të ishte i rrethuar nga muret e qelisë së burgut.
“Mashtrimi fiskal i Cristiano Ronaldos është një krim shumë i rëndë. Në këto momente që flasim, ka shumë persona që kanë bërë evazion fiskal vetëm 125 mijë euro, dhe gjenden prapa hekurave” – u shpreh Mourelo.
Ndaj Ronaldos, vazhdon gjykimi me akuzën për evazion fiskal, të llogaritur në 14.7 milionë euro. Gjithsesi, kjo akuzë është kundërshtuar nga ylli portugez, duke thënë se nuk ka asgjë të vërtetë.
