Një fjali e thënë së fundmi nga Cristiano Ronaldo lidhur me sezonin 2019-2020, ka bërë që të lindin aludim për një largim të mundshëm nga Juventusi.
“Shpresoj që të gjithë ne të marrim vendimet e duhura për të ardhmen”, tha Ronaldo.
Mediat italiane shkruajnë se ylli portugez do të largohet nga kampionët e Italisë për t’iu bashkuar PSG. Agjenti i tij, Jorge Mendes do të takojë drejtorin sportiv, Leonardo dhe do të flasin pikërisht për këtë gjë.
Kontrata e Ronaldos skadon në vitin 2022 dhe paga e tij e majme peshon shumë tek drejtuesit e skuadrës. Cristiano mund të zgjedhë të shkojë në Paris, për të provuar emocionet e një lige tjetër. Edhe pse PSG ka mjaft yje tjerë në skuadër, si Neymar, Mbappe, Icardi, Di Maria etj.
