Juventusi e ka nisur me fitore kampionatin, pasi ka mposhtur mes shumë vuajtjesh Chievon në ndeshje hapëse të Serie A. Në këtë ndeshje debutoi edhe Ronaldo, i cili zhvilloi një lojë mjaft të mirë, por portieri Sorentino ishte i vendosur që të mos e lejonte të shënonte.
Ndeshja nisi me gol dhe ishte Sami Khedira që dërgoi topin në rrjetë që në minutën e tretë. Juve vazhdon të dominojë ndeshjen me kontroll topi dhe raste pa fund, por pa arritur të shënojë.
Kur Chievo dukej e mbyllur mbrapa dhe e pashpresë për të sulmuar vjen edhe goli i barazimit, është Stepinski që në rastin e parë e dërgon topin në rrjetë në minutën e 38’.
Më pas është një ndërhyrje e gabuar e Cancelos në dëm të Giaccherini-t dhe arbitri akordon penallti. Është vetë sulmuesi që merr përsipër ekzekutimin e saj dhe e ka mjaft të lehtë ta dërgojë në rrjertë duke përmbysur rezultatin.
Pas golit të pësuar Juve hidhet në sulm për të gjetur golin e barazimit dhe ia arrin me anë të të rikthyerit Leonardo Bonucci në minutën e 75’. Në minutat e fundit ndodhi incidenti i ndeshjes. Ronaldo tenton të dërgojë topin në rrjetë, ndërkohë tenton ta prekë me krah dhe përplaset me portierin Sorrentio i cili humbet ndjenjat. VAR anulon golin e Juve-s. Por një minutë më pas është Bernardeschi ai që ka shënuar golin e fitores për Juve-n.
