Ronaldinho do të martohet me dy gra, Era Istrefi i dërgon tre zemra

Ish-ylli i Barcelonës dhe Milanit, Ronaldinho do të martohet me dy femra njëkohësisht. Janë mediat braziliane ato që zbulojnë se ai po bashkëjeton me dy të fejuarat e tij, Priscilla Coelho dhe Beatriz Souza në vilën e tij në Rio de Zhaneiro. Shumë shpejt do të martohet me të dyja.Mësohet se ceremonia private do të zhvillohet në vilën e tij luksoze. Fituesi i Topit të Artë u lidh me Beatriz në vitin 2016, por vazhdoi edhe lidhjen e mëparshme me Priscilla. Të dyja partneret e tij marrin nga 1500 euro çdo muaj nga Dinho për t’i shpenzuar si të duan. Ronaldinho ka një rregull që kjo marrëdhënie të funksionojë: u blen partnereve të tij të njëjtat dhurata.Ndërkohë Era Istrefi, këngëtarja shqiptare me origjinë nga Kosova, ka publikuar sot këngën zyrtare të Botërorit ne bashkëpunim me Will Smith dhe Nicky Jam.Menjëherë kënga është shpërndarë nga shumë personazhe të famshëm, mes tyre edhe Ronaldinho, fituesi i Botërorit me Brazilin në 2002. Në postimin e ish-futbollistit në ‘instagram’ mbi të tjera ka komentuar edhe vetë këngëtarja, e cila ka përdorur ikonat për të bërë 3 zemra.