Romeo Veshaj, vëllai binjak i Donaldit, do të hyjë sot brenda shtëpisë së “Big Brother VIP”. Këtë detaj e ka zbuluar moderatorja Arbana Osmani, e cila ka publikuar pak minuta më parë klipin që tregon se çfarë do të ndodhë në spektaklin e mbrëmjes së sotme.
“Sonte në shtëpinë e Big Brother VIP do të ketë një hyrje të re, të cilën publiku e ka pritur pafund. A do të kuptojnë banorët që në vend të Donaldit do të jetë Romeo? Cilat do të jenë reagimet e tyre”, dëgjohet në klipin e publikuar nga moderatorja e njohur.
Nuk dihet nëse Romeo do të jetë banori më i ri i shtëpisë së “Big Brother”, apo thjesht një shaka që do u bëhet banorëve.
