Pak ditë më parë, aktorja e njëkohësisht moderatorja Rudina Dembacaj u shpreh në emisionin “Lart e Poshtë”, se ka qenë ajo që e ka shtyrë Agronin të pranonte Romeon në “Al Pazar”, pasi ai nuk e donte dhe ishte skeptik.
“Unë kam këmbëngulur që Romeo të jetë pjesë e “Al Pazar”, sepse Agron Llakaj ishte shumë skeptik dhe nuk e donte”, u shpreh aktorja.
Por pas këtij detaji pikant, duket se gjërat kanë marë një tjetër drejtim.
Vëllezërit Donald dhe Romeo kanë folur për të ardhmen e tyre në “Al Pazar”, teksa kanë qenë të ftuar këtë të diel në “E Diell”. Ata zbuluan për publikun se nuk do t’i shohim më në spektaklin e humorit “Al Pazar”.
Sa i përket marrëdhënies me Agronin, Donaldi dhe Romeo thanë se falë tij ata kanë një karrierë në aktrim.
