Barcelona ka kaluar me lehtësi Romën në ndeshjen e parë çerekfinale të Champions League. Kanë qenë vetë italianët që kanë shënuar dy autogola të për ta mbyllur ndeshjen në një rezultat të thellë 4-1. Edhe pse Roma e nisi mjaft mirë pjesën e parë duke krijuar shumë raste të rrezikshme në portën e katalanasve, ishte De Rossi ai që gaboi dhe dërgoi topin në portën e tij.
Pas pushimit Roma ndëshkohet nga një tjetër autogol i pafat, këtë herë ishe greku Manolas nga shumë pranë vijës fatale.
Pak minuta pas golit të dytë, ishte Pique ai që trefishoi rezultatin teksa ndodhet në vendin e duhur në kohën e duhur.
Barça menaxhoi mirë minutat e mbetura dhe nuk i la shumë hapësira Roma-s të rifutej në lojë por një moment mjaftonte që Dzeko të tregonte pse është një nga qendërsulmuesit më në formë të Evropës kur shënoi golin e nderit dhe të shpresës në minutën e 80’.
Por Suarez rivendosi avantazhin e trefishtë me golin e tij të parë në Champions League për këtë sezon.
