Rivlerësimi nga sizmologët: Tërmeti në Greqi, magnitudë 6.3 të shkallës Rihter

Sizmologët grekë kanë bërë një rivlerësim të tërmetit që goditi sot Larisën, që sipas tyre ishte me magnitudë 6.3 rihter dhe jo 5.9.

Pas këtij tërmeti, janë regjistruar dhe paslëkundje të tjera të fuqishme, ndërkohë që specialistët këshillojnë që qytetarët të qëndrojnë në ambiente të hapura.

Me sukses zjarrfikësit nxorën nga rrënojat një banor të fshatit Mesohori, Elasona, epiqendra e tërmetit.

Nga ana tjetër, në Larisa 2 burra u hodhën nga kati i parë dhe i dytë për t’i shpëtuar tërmetit dhe ndodhen në spital.

Lëkundjet e fuqishme të tërmetit zgjatën disa sekonda dhe u ndien edhe në Shqipëri e Maqedoninë e Veriut.