Një 25 vjeçar shqiptar është arrestuar pasi ka thyer urdhrin e arrestit shtëpiak dhe ka tentuar të kryejë po të njëjtën vepër penale për të cilën ishte dënuar 2 vite më parë, shkruan radiogold.it.
I riu shqiptar i identifikuar si Klevis Ndoci u arrestua në provincën e Aleksandrisë ku ka thyer një dënim që e ka marrë në shkurt të vitit 2016 për grabitje në banesa.
Mediat Italiane shkruajnë se i riu shqiptar ishte emër i njohur për policinë dhe cilësohej si një grabitës specialist.
Ai u arrestua duke tentuar të kryej një tjetër grabitje dhe u verifikua në bazë të fotografisë duke rezultuar edhe si shkelës i dënimit.
Në vitin 2015 ai kishte vjedhur më shumë se tridhjetë shtëpi në krahinat e Milanos, Bergamas, Brescia dhe Pavia.
Qytetari shqiptar, konsiderohej si themeluesi i një shoqërie të vërtetë kriminale që synonte kryerjen e vjedhjeve.
Gjatë momentit të arrestimit ai ka tentuar që të ikë, po oficerët e kishin rrethuar mirë shtëpinë e tij. Tani pritet të dalë përpara Autoriteti Gjyqësor në Pavia të Aleksandrisë. TIRANA TODAY
