Një i ri shqiptarë ka hyrë ilegalisht në Britani, dhe është gjetur i fshehur në papafingon e një fabrike kanabisi në Hertfordshire.
Ai është 22-vjeçari Gerald Hazizaj, i cili punonte në fabrikën e kanabisit ku kujdesej për bimët për të fituar të ardhura dhe për të shlyer disa borxhe.
Policia zbuloi 138 bimë, në tre dhoma të mëdha në katin e poshtëm të ndërtesës. Energjia vidhej, si dhe sistemi i ujitjes ishte i instaluar. Vlera e përgjithshme e bimëve arrinte 2.500 euro, shkruan Tirana Today.
Kur u pyetën, Hazizaj u tha oficerëve se kishte hyrë ilegalisht në Britani të Madhe 2 muaj më parë dhe po paguhej 10,000 paund, nga puna që bënte. Ai tha se kur kishte ardhur në Britani disa persona e kishin mashtruar dhe i kishin thënë se do të punonte në lavazh dhe jo një punë të tillë.
Hazizaj, i cili u ndihmua nga një përkthyes shqiptar, u shfaq nëpërmjet një videoje nga burgu i Bedfordit, i cili u deklarua fajtor për prodhimin e kanabisit midis 1 shtatorit dhe 21 nëntorit të vitit të kaluar. Ai nuk kishte precedent të mëparshëm kriminal, raporton bobfm.co.uk.
Nasser Rupani, duke mbrojtur, tha: “Ai nuk është këtu ligjërisht, ai ka nënshkruar dokumentacionin dhe mund të kthehet lehtë në Shqipëri”.
Gjykatësi Stephen Warner i tha atij se ishte i “gëzuar”, që ai kishte një rol të vogël në fabrikën e kababisit, se roli i tij ishte ai i një kopshtari, i cili ishte shfrytëzuar nga të tjerët. Ai tha: “Ju megjithatë keni qenë pjesë e një organizate kriminale”.
Ai e dënoi atë me katër muaj e gjysmë burg. Duke marrë parasysh kohën që ai ka shërbyer, ai do të lirohet së shpejti.
Por gjyqtari i tha atij: “Është e pashmangshme që ju do të dëboheni nga vendi, mikpritjen e të cilit e keni abuzuar me sjelljen tuaj”. TIRANA TODAY
